平治
奥迪
宝马
奔驰
电动车
货车
客货车
私家车
座位
容積
傳動
年份
是否已售

真男人要越野 Suzuki Jimny

小小Jimny初越野


車壇熱話Suzuki Jimny喺香港車友間吹足成年,水貨喺去年已到港,但礙於水貨車數量極少,返一部賣一部,所以香港根本冇傳媒可以激試佢嘅越野能力!但越野車唔試off road,咁仲有咩意思?轆下石仔地就算?好嘞,行貨版Jimny亦開始試車嘞,但仍然未有人用佢嚟off road!既然冇人用Jimny去off road,我哋《OPENCAR》就做先鋒!向代理借部貼上潮牌Aape車身貼紙嘅Jimny,深入off road之地,試圖玩盡Jimny嘅潛能。



今次問代理借嚟測試嘅Jimny,同我哋上年測試嘅水貨版本,喺機械動力層面上可謂完全一樣,甚至設備嘅等級都九成九相似,所以我哋今次試車只針對Jimny喺off road時嘅表現,每一個測試都用上新款Jimny嘅新改良設計或系統。

廠方數據顯示Jimny嘅車頭進入角有36度、前後中間嘅跨越角有28度,而車尾離去角就有50度,呢組數字睇落冇乜特別,但玩開正宗越野車嘅車迷一眼就睇得出Jimny唔係普通SUV。


Test 1

兀轆上山

而我哋第一個測試就利用佢慢慢爬上不規則泥坡,唔使多講要用波棍設定至4L模式,四輪輸出扭力即時倍增,差速器鎖合、令四輪都有平均輸出,就算個別車胎因為離地而打滑,有抓著力嘅車輪都可以助Jimny脫離險境,過程非常輕鬆、易於掌握,一般SUV嘅part time四驅冇呢份能耐。



Test 2

落碎石長命斜

越野車不單止要攀山越嶺,上得高山亦要安全落山,以往嘅Jimny空有一身銅皮鐵骨,但落斜只可以用拖波加上迫力嚟減慢車速,某程度上都幾花駕駛者嘅集中力同技術。新Jimny首次加入「Hill Decent Control落山車速控制系統」,連埋四驅系統同時使用,電子系統會感應車速、輪胎打滑程度等數據,可以限制落山車速,就算完全放開迫力腳踏,部車都會慢慢落山,亦唔會因為碎石打滑而狂衝,駕駛者亦可以加少少迫力令車速再放慢,對迫力嘅負荷有一定幫助。



Test 3

車架剛性 & 車底角度

新一代Jimny嘅底盤改良自上代,基本骨架不變,但車底中央加入「X」形支架,車頭及車尾都加咗橫桿,令底盤同車架剛性都有改良,足足比上代提升1.5倍,筆者多次行走崎嶇不平泥坡,甚至喺斜坡停車,發覺28度跨越角可以跨越大部分崎嶇路面,而更難得係車架完全冇出現扭曲情況,開關門暢順自然,如果係一般SUV,久而久之可能閂門有空隙,甚至有雜聲。



Test 4

進入角測試

36度進入角同50度離去角究竟係乜野概念?Jimny上落泥坡會唔會撞到車底就係關乎到呢兩個角度,測試時發覺除非落山同上山都係極崎嶇路,否則撞到車底嘅機會唔大,就算係輕微撞到車底,車頭同車尾都有保護板擋一擋,玩得安心。今次測試車係5速手波版,即係話踩住極力子就會進入空波狀態,如遇上斜坡停車又再開車,咪會有好大溜後風險?放心,新Jimny已有「Hill Hold Control斜坡起步輔助」,可以喺完全鬆開手、腳迫力及空波狀態下定全車身2-3秒左右,夠你慢慢吊極力子起步而唔會溜後。



Suzuki Jimny Spec.

引擎:1,462c.c.直四

馬力:102ps/6,000rpm

扭力:13.3kgm/4,000rpm

傳動:5前速手動

車身:3,625X1,645X1,720(mm)

軸距:2,250mm

意向車價:$208,800

查詢:香島汽車(2332 0091)


Text:Chris

 覺得這文章有用?按下面的按鈕分享給你的朋友 

你可能感興趣的文章