Mercedes-Benz長青越野王G-Class，咁多年嚟個樣都係冇乜點變（1979年開始），成部裝甲車咁款嘅軍車設計，霸氣得嚟仲要超級有型，所以城中潮人同識車之士，好似余文樂、Chi Lam同沈嘉偉咁，都總會有部旁身威。不過，再好嘅車都會有一日成為過去，連長賣長有嘅潮神W463 G-Class都唔會例如，因為新一代編號W464 G-Class將會喺今個月15號頂替佢越野之王寶座。

做足保密功夫嘅W464 G-Class，暫時個樣都係冚到實一實，連頭燈、鬼面罩一個半個角落位都唔畀你睇住，但距離月中個底特律車展愈近，車廠放出嚟嘅料就愈多。首先，新一代G-Class會改用前雙搖臂底擔，車身離地距會有241mm，超強嘅off-road性能涉水深度有700mm，越野進入角、穿越角同離去角會有31度、26度同30度，新加嘅G-Mode爬山模式（40km/h車速以下用），會因應路面環境自動鎖死頭、中、後差速，等G-Class可以輕鬆攀山涉水飛。

Text：Lam Tsz Chma

 覺得這文章有用？按下面的按鈕分享給你的朋友