平治
奥迪
宝马
奔驰
电动车
货车
客货车
私家车
座位
容積
傳動
年份
是否已售

星期二 學車易 (第四回)

掉頭及泊位

星期二 學車易 (第四回)


[戴定頭盔先 今集可能有啲悶]

香港考輕型貨車會分開甲、乙、丙三個部分:甲部嘅筆試、乙部嘅倒後及停泊、窄位掉頭同埋丙部嘅路試(乙加丙都叫路試)。今次「星期二學車易」重點係乙部試入面嘅泊位、窄位掉頭。以油塘考場為例,考生會先考泊位,考一部分路試,然後做窄位掉頭,再繼續餘下路試,直到返考場完成考試。


窄路掉頭

考生要喺指定嘅窄路上面以前、後、前總共三手軚嘅方式作掉頭。同泊車嘅情況都一樣掉頭時,唔可以撞到包括圍欄、渠邊石壆等等嘅物體,如果唔係就會即刻「肥佬」。另外,考窄路掉頭時仲要察看交通情況,記得要發出適當嘅訊號,例如第一手軚時要打右邊指揮燈,第二手軚入後波之後要打左邊指揮燈等等。


窄位掉頭只準用三手軚(前、後、前)嘅方式完成,其間唔可以撞到任何物件。


泊位

根據運輸署嘅資料,呢個考試會要求考生一次過將車倒車泊入指定嘅車位入面,而車位都會分兩類:「S」位或「L」位,而油塘考場嘅指定車位屬於「S」字位。喺整個泊位過程中,車都唔可以撞到膠筒或石壆,停好之後部車一定要停喺車位入面,車身嘅任何部份都唔可以騎越白線或渠邊石壆,同時車胎唔可以掂到白線或石壆。如果考輕型貨車,考試仲會要求車尾部份必須停喺黃色一米停車區入面,唔可以突出。


輕型貨車要求考生喺泊好車後車尾嘅部份要留喺停車區入面,突出咗就當輸(肥佬)。


睇落好似好難又多嘢要做,不過其實每一部學車車頭同埋車尾都會裝咗一啲發光嘅燈條,例如車頭就有兩盞燈用嚟喺窄位掉頭幫手睇位、右邊車尾又會有兩條LED燈條話你知喺泊位時去到邊要拉直車身同回軚。其實只要跟足步驟同埋記實「車慢軚快」嘅口訣,睇落好難,其實唔難。


只要按照步驟,手快車慢要成功喺乙部試過關其實唔難。


Text: Daniel

 覺得這文章有用?按下面的按鈕分享給你的朋友 

你可能感興趣的文章