平治
奥迪
宝马
奔驰
电动车
货车
客货车
私家车
座位
容積
傳動
年份
是否已售

Peugeot Expert開心派對迎聖誕

Expert車主聯歡大派對

Peugeot Expert開心派對迎聖誕


玩車聚唔一定係跑車、車聚亦唔一定係晨早或深夜進行,好似早前由Peugeot代理AUTOFRANCE舉行嘅車聚派對,就召集咗兩代、接近40部Expert出席,而且派對唔係只得一大班麻甩吹車經,多個車主都帶埋屋企人出席聯歡,場面非常熱鬧。


由代理引入嘅兩代Expert,喺客貨車市場佔有一定地位,近年更愈來愈多日本車擁躉轉陣營。


今次車聚由代理舉行,已於12月1日星期六完成,當日下午3時左右,多部Expert陸續到達新田購物城,車主即跟隨車行職員列陣於購物城停車場進行聚會拍攝,期間見到好多車主都帶同小朋友出席,明顯Expert車主都好鬼顧家,平日用Expert開工,假日又用Expert接載至親,根本當咗部Expert係家庭一份子。


近40部不同款、不同色嘅Exper喺新田購物城聚首一堂,連同車主及家人一齊參與由代理舉行嘅聖誕party。


晚上開始豐富自助餐時段,大人細路都食得非常滿足。


一大班車主拍攝完之後,當然唔係好似一般車聚咁即時散水啦,代理特別安排車主於新田購物城玩盡多項玩樂項目,大人同小朋友都有嘢玩,開心晒!仲未完呀,入夜之後仲有到會自助餐提供,完場前再加多個幸運大抽獎,獎品仲非常豐富添!羨慕!


最後就係大抽獎環節,由在場嘅小朋友抽出幸運兒。


終極大獎據知係價值千元嘅Expert原廠保養套餐,一定啱車主用。


Text:Chris

 覺得這文章有用?按下面的按鈕分享給你的朋友 

你可能感興趣的文章