平治
奥迪
宝马
奔驰
电动车
货车
客货车
私家车
座位
容積
傳動
年份
是否已售

Mercedes Benz 精品限時八折優惠

等《OpenCar》精選5件好嘢畀你/妳

其實部分車廠除咗定期會攪下車展,即場提供買車優惠之外,有時佢哋牌子旗下嘅精品都會有優惠㗎,今次就先介紹Mercedes Benz去到月尾(2月28號)嘅八折優惠。而我哋《OpenCar》就精選咗5件好嘢畀你哋,買嚟送畀人又好或者氹下自己又得。


1.Carl 暖水袋

你可能會話「喂!農曆新年都過埋啦仲暖水袋?」不過暖水袋又唔係一定冬天先啱用嘅,特別送畀女士可以乘機顯得出貼心。呢個Carl 熊仔嘅暖水袋大細放喺肚上面啱啱好,個樣又可愛而且仲好可以放入機洗添!


原價$350 八折後$280

呢個Carl熊仔大小約 22cm x 12cm x 50cm,啱晒女士放係肚上熱敷。

拉開熊仔後面嘅魔術貼就可以見到暖水袋。




2.SIGG保溫杯

如果有玩開戶外活動嘅車迷應該都對嚟自瑞士嘅SIGG唔會陌生,呢個有埋Mercedes Benz logo、外觀設計簡簡單單,而且容量都有0.5公升嘅保溫杯,望落去都幾有型!根據資料,熱飲保溫時間可以有12小時,凍飲更加有20個小時,仲有防漏設計,咁就唔怕倒瀉啦!


原價$400 八折後$320

啞黑色再加上銀色嘅Benz logo樽身設計,相當有型。



樽口有防漏設計;另外,0.5公升嘅容量個人認為啱啱好,放入袋唔會覺得太重。


3.G-Class, W463, 1:18模型車

真係唔係講笑!呢部1:18 G-Class模型一拎上手就覺得重手得嚟又好有質感,手功超級精細,所有嘢都做到同真車一樣,例如引擎倉入面都跟足晒,果副4公升V8引擎可以完美咁呈現出嚟!另外,根據廠方資料當中有125個部件係經過人手組裝而成,所以每一部都可能有少少唔同、顯得更特別!


原價$1,480 八折後$1,184 

除咗頭冚可以打開之外,四隻車門同埋尾箱門都可以打開。


呢個咁仔細嘅1:18 G-Class模型由Minichamps所設計。


櫈面上嘅鑚石型車線都有整埋出嚟,造功真係好精細。


4.Mercedes Benz logo 女士手袋

手袋對女士嚟講有股特別嘅吸引力,無論點都要有一兩個見得下人嘅手袋嚟看下門口,不過見得下人嘅手袋有時都幾貴,一個唔小心整花咗真係肉都赤埋,如果有個價錢相對平但又不失禮嘅手袋,平時用下都真係唔錯!呢個有兩隻顏色(紅、銀)選擇嘅Mercedes Benz logo 手袋用咗彷皮物料製造,袋中間有一個啪鈕設計,仲有一個可拆卸式拉鍊袋,方便放一啲細件嘅隨身物品。


原價$460 八折後$368


有紅、銀兩隻顏色選擇,當中紅色款入面配搭金色。


啪鈕嘅設計令開合更方便。


雖然手袋入面冇分格,不過有一個拆卸式拉鍊袋可以放隨身物品。


5.兒童行李箱

如果買咗上面介紹果部1:18 G-Class模型,而咁啱你又係為人父母嘅,見到爸爸有部手功咁精細嘅模型車,屋企入面果位大帝又點會輕易放過作為父母嘅你哋呢?呢個外表類似G Class嘅兒童行李箱就可能幫到手喇!佢嘅內部設計非常實用,方便裝晒佢啲法寶之餘,仲可以畀個機會佢拖埋個喼出街威下喎!


原價$1230 八折後$984

行李箱大細約 48cm x 24cm x 20cm,呢個大細部分航空公司可以當手提行李帶上機。


箱入面嘅空間設計足夠可以應付放小朋友嘅玩具,而且箱蓋兩側可鎖實,唔怕跌晒啲嘢出嚟啦。


最後提多你一次,呢個優惠去到月尾就完,啱嘅就快啲去以下地點買喇!!


平治九龍品牌中心

地址: 九龍紅磡寶來街50號仁孚大廈

電話 : 3711 3815 

營業時間 :

星期一至星期六 : 上午8時至下午7時

星期日及公眾假期 : 休息



平治港島品牌中心

香港柴灣嘉業街60號

電話: 3711 3815

開放時間:

星期一至六: 上午8時至晚上7時

星期日及公眾假期: 休息



Text: Daniel

 覺得這文章有用?按下面的按鈕分享給你的朋友 

你可能感興趣的文章