平治
奥迪
宝马
奔驰
电动车
货车
客货车
私家车
座位
容積
傳動
年份
是否已售

升級程式增輸出減耗油

MTA改電腦解封印



近年有買過新款歐洲turbo車嘅朋友,你哋有冇留意到,好多同廠同款嘅車,明明用上同一副引擎,但偏偏被劃分成唔同級數、馬力都有啲分別?當然車價都有分別啦!咁樣嘅設定,其實同車廠降低成本有關,同一副turbo引擎可以利用電腦程式嚟控制佢嘅輸出,車廠當然樂意採用呢個方法,但作為車主,知道自己部車嘅潛在性能原來咁勁,但一直被電腦封印住,個心總係有條刺。其實要令部車「覺醒」,只要搵專業改車公司幫手就可以,最簡單就係改寫電腦程式。寫電腦改車已非常普及,有啲公司可能插好連線、將已改好嘅程式上載到車上,就收錢完事。要改得Pro.、改得好,最好就係每部車都上馬力機反覆做詳細測試,務求每部車都有度身訂制嘅程式。


MTA技術總監Kenji表示,近年嘅歐洲turbo只需改一改電腦就有好好效果,平均可以提升輸出接近20%。Kenji身後就係模擬高速行車強風嘅巨型風扇。


全城最Pro.

咁Pro.嘅改車方法香港唔係冇,只係因為香港地貴,肯落本投資嘅改車公司非常罕有。位於洪水橋嘅MTA(Master Tuning Asia Hong Kong Ltd.)設有最先進四輪滾筒式馬力機,而且最誇係馬力機設於一個高度隔音嘅房間內,房內嘅巨大風扇及抽氣系統可以模擬高速行車時車頭撞風嘅狀態,確保高速測試時,測試車引擎有最貼近現實行車冷卻表現,基本上同車廠嘅風洞測試接近,咁樣先可以錄得最準確數據。


馬力機設於隔音房間內,有完善嘅抽風裝置。


用上最專業嘅四輪滾筒式馬力機,令量度更精準,獲得更可靠數據。


同步設定

有最好嘅硬件設備,都要有出色嘅軟件配合,MTA嘅電腦程式全部由德國或美國公司提供,每部車都要個別上馬力機錄取真實輸出數據,再依從原有輸出作訂製編寫新程式。因為MTA深信,不論新車、舊車或改裝車,就算狀況幾好、用料幾咁統一,性能輸出都會有差別,所以堅持每部車都係一個訂制項目,唔存在即插即用嘅罐頭程式。改寫電腦程式,一般turbo車可以有超過20%輸出進賬,如果係自然吸氣引擎車,就會比較少,不過與其話「改寫」電腦程式,不如話「改善」電腦程式更好,因為「改善」過電腦嘅車,唔單只輸出大嘅,連帶耗油表現都更好,可以話雙贏。


MTA嘅電腦會同德國或美國改裝程式公司連線,同步為每部車微調行車程式。


車主可以睇到改電腦前及後嘅輸出分別,而且會有專業人員為車主詳細解釋。


車主實測

為印證改寫電腦唔係跑車或賽車專利,我哋今次搵嚟Denise同佢部2016年BMW X3 20d測試MTA嘅改寫電腦服務。Denise部X3 20d採用2.0公升柴油turbo引擎,廠方聲稱最大馬力190hp/4,000rpm,峰值扭力400Nm/1,750-2,500rpm。MTA接收Denise部X3 20d後,會先上馬力機,接駁好所有電腦連線,然後跑一次錄取輸出數據。經第一次上馬力機後,錄得實況輸出數值係最大馬力197hp/3,935rpm、峰值扭力402.5Nm/2,481rpm,同廠方宣稱嘅輸出數值非常接近,而且以Denise嘅用量(三年車已行超過70,000km),部X3算係keep到最佳狀態。得到輸出數據及圖表後,MTA會直接以電腦連線至海外嘅程式編寫公司,而今次會選用德國7Mod嘅程式。德國程式編寫員今次為X3作輕量升級,集中改善輸出曲線,令輸出順滑、冇挫頓。

MTA嘅改寫電腦程式步驟絕對唔簡單,你以為上一次馬力機就算?點會咁流?德國方面會不斷修正輸出曲線,之後上載程式到車輛,香港方面就即時再跑多次馬力機,然後又將實際跑出嘅數據同德國方面分享,如發現輸出曲線唔靚,就會再修正同上馬力機再試!直至雙方都滿意為止。


Denise嘅X3 XDrive 20d採用油渣引擎,改電腦將會為低轉扭力帶嚟更大增長。


改完電腦後,MTA會為車輛再上多一次馬力機,確保輸出穩定。


驚人增幅

完成改寫電腦後,Denise嘅X3 20d最終喺馬力機上錄得最大馬力221hp/4,002rpm、峰值扭力509.1Nm/2,432rpm,即係比之前多咗24hp馬力同106.6Nm扭力!而由於柴油車特性係低轉馬力強橫,所以改寫電腦後更有超過20%扭力增長。完成整個set車程序後,MTA會向客人詳細講解分別,並會儲存改電腦前、後嘅資料,可以因應客人要求,將改寫電腦前嘅數據寫入USB供客人自己儲存,方便車主需要時可以還原。


Denise喺X3未改寫電腦前試車表示,部車原裝設定其實夠佢日常使用,只係略嫌喺路口加速或爬頭時反應未夠快。Denise見老公部車改咗電腦之後,不論輸出同耗油都有明顯改善,經佢老公推介後,加上唔係好想做一啲硬件改裝(因為怕改動後影響日後維修同耐用性),所以就試下喺MTA改電腦。

Denise:「我估唔到原來改電腦係咁專業嘅嘢,改完之後由工作人員解釋,我先知我部車原來可以有咁大改善空間,一上車踩油起步就feel到油門敏感咗,如果用同一油門深度會覺得部車快過以前,相同速度嘅話,踩少啲油已可以。最大分別係未到2,000轉就已經有力湧出嚟,當引擎轉數去到2,000轉時,冇咗以往呆一呆嘅反應,順滑過以前好多,我好滿意!估唔到我呢啲代步車改電腦都有咁好效果,等我以前仲以為改電腦係跑車專利添。」


Denise表示改寫電腦後有好好嘅加速反應,坦然話值得推薦。


從馬力圖可以睇到,經過電腦調校後,X3 xDrive30d最大馬力由197hp增加到221hp。


車主實測就好滿意嘞,但究竟係咪天價收費?係咪放低部車成個月先搞得掂?MTA技術總監Kenji:「就以Denise部X3為例,咁樣嘅原裝車我哋基本收費係$9,800起,先向我哋book時間,只需放低車大概三日就OK。如果客人車輛經過改裝,我哋就需要更多額外嘅設定去收集更多數據,收費會高啲,而且施工時間較長。如果日後想將部車還原電腦亦可,我哋會收費為車輛還原及重寫一次數據,方便用家回車廠保養維修。」


每部車都會有一個專屬報告及檔案,客人可以留為保存。


總結

以往唔少人都以為改寫電腦好麻煩,又怕搞亂啲原廠數據,MTA嘅服務可以話將專業普及化,一萬蚊有找就已經有脫胎換骨表現,方便快捷過改裝其他硬件。對於一啲偏向斯文、低調改裝嘅人,改電腦實在最好不過,一方面可以完全釋放車輛潛能,另一方面集大輸出與低耗油於一身,原裝車車主實在值得考慮。


查詢:MTA Master Tuning Asia(2388 7878)

 

Text:Chris

 覺得這文章有用?按下面的按鈕分享給你的朋友 

你可能感興趣的文章